ایران کی متحدہ عرب امارات پر حملوں میں ملوث ہونے کی تردید

تہران (ڈیلی اردو) ایران کے سرکاری خبر رساں ادارے آئی آر آئی بی کے مطابق پاسدارانِ انقلاب نے متحدہ عرب امارات پر حالیہ حملوں میں ملوث ہونے کی تردید کی ہے۔

ترجمان کے حوالے سے کہا گیا ہے کہ ’ایران کی مسلح افواج نے گذشتہ دنوں کے دوران متحدہ عرب امارات کے خلاف کسی بھی قسم کے میزائل یا ڈرون حملے نہیں کیے۔‘

بیان میں مزید کہا گیا کہ ایران اپنی کسی بھی کارروائی کی ذمہ داری قبول کرتا ہے، اور اگر امارات کی جانب سے کوئی جوابی کارروائی کی گئی تو اس کا بھرپور جواب دیا جائے گا۔

یہ بیان ایسے وقت میں سامنے آیا ہے جب متحدہ عرب امارات نے دعویٰ کیا ہے کہ اس نے ایرانی میزائلوں اور ڈرونز کو روکنے کے لیے کارروائی کی، جبکہ حالیہ دنوں میں متعدد حملوں کو ناکام بنانے کا بھی اعلان کیا گیا ہے۔

ایران کا مؤقف ہے کہ حالیہ حملوں میں اس کا کوئی کردار نہیں ہے۔