بحری جہازوں پر ایرانی حملے ناکام، جوابی کارروائی میں فوجی تنصیبات نشانہ بنیں، سینٹکام

واشنگٹن (ڈیلی اردو) امریکی سینٹرل کمانڈ (سینٹکام) کے مطابق ایران نے آبنائے ہرمز سے خلیج عمان کی جانب بڑھنے والے امریکی بحری جہازوں پر حملے کیے، تاہم ان حملوں کو ناکام بنا دیا گیا۔

سینٹکام کا کہنا ہے کہ یو ایس ایس ٹرکسٹن، یو ایس ایس رافیل پرالٹا اور یو ایس ایس میسن پر میزائلوں، ڈرونز اور چھوٹی کشتیوں کے ذریعے حملے کیے گئے، لیکن کوئی امریکی اثاثہ متاثر نہیں ہوا۔

بیان کے مطابق امریکی افواج نے جوابی کارروائی میں ان ایرانی فوجی تنصیبات کو نشانہ بنایا جو ان حملوں میں ملوث تھیں، جن میں میزائل اور ڈرون لانچنگ سائٹس، کمانڈ اینڈ کنٹرول مراکز اور نگرانی کے نظام شامل ہیں۔

سینٹکام نے واضح کیا ہے کہ وہ کشیدگی میں اضافہ نہیں چاہتا، تاہم امریکی افواج کے تحفظ کے لیے مکمل طور پر تیار ہے۔