بلوچستان: تربت میں فٹبال سٹیڈیم کے قریب دھماکا، 3 افراد زخمی

کوئٹہ (ڈیلی اردو) صوبہ بلوچستان کے ضلع تربت میں ائرپورٹ روڈ پر ہفتے کی شب کو فٹبال سٹیڈیم کے قریب دھماکہ ہوا ہے۔

Images from the site of blaat, #Turbat #Kech #Balochistan https://t.co/vsS3MGtZbe pic.twitter.com/5DYBGk7u6o

— ???????? (@Info_Balochistn) July 30, 2022

پولیس کے مطابق دھماکے میں تین افراد زخمی ہو گئے، جن کو طبی امداد کیلئے ہسپتال منتقل کر دیا گیا ہے۔

پولیس کا کہنا کہ ریموٹ کنٹرول بم موٹرسائیکل میں نصب کیا گیا تھا، دھماکے سے قریب کھڑی کئی موٹرسائیکلوں کو بھی نقصان پہنچا۔

ذرائع کے مطابق دھماکا فٹ بال اسٹیڈیم کو نشانہ بناکر کیا گیا، جہاں پر فٹبال ٹورنامنٹ کا افتتاحی میچ منعقد کیا جارہا تھا۔

دوسری طرف پولیس اور سیکیورٹی فورسز نے علاقے کو گھیرے میں لیکر ملزمان کی تلاش شروع کردی ہے۔

واضح رہے کہ وزیراعظم شہباز شریف سیلاب متاثرہ علاقوں کے دورے پر بلوچستان میں ہیں۔