بلوچستان: خاران میں سٹی پولیس اسٹیشن پر دستی بم حملہ

کوئٹہ (ڈیلی اردو) بلوچستان کے ضلع خاران کے سٹی پولیس اسٹیشن پر دستی بم حملہ ہوا۔

ڈی آئی جی پولیس رخشان ڈویژن نذیر کرد کے مطابق نامعلوم افراد نے خاران پولیس تھانے پر دستی بم پھینک کر فرار ہوگئے اور دستی بم تھانے کی چھت پر گرا جس سے زور دار دھماکا ہوا۔

ڈی آئی جی کا کہنا ہے کہ دستی بم حملے کے نتیجے میں کوئی جانی نقصان نہیں ہوا جب کہ حملے کے بعد علاقے کی ناکہ بندی کرکے ملزمان کی تلاش شروع کردی گئی۔

دوسری جانب کالعدم تنظیم بلوچ نیشنلسٹ آرمی نے خاران سٹی پولیس تھانہ پر حملے کی زمہ داری قبول کر لی۔

ترجمان مرید بلوچ نے اپنے ایک بیان میں کہا کہ خاران پولیس نے ایم آئی کارندوں کے ایماء پر بلوچ عوام کو تنگ کرنے کا سلسلہ بند نہیں کیا تو آئندہ سخت اقدام سے گریز نہیں کیا جائیگا۔

ترجمان نے دعوی کیا ہے کہ دستی بم حملے میں تین پولیس اہلکار زخمی ہوگئے۔