بلوچستان: خاران میں فائرنگ سے سلیم اللہ تگاپی سمیت 4 افراد ہلاک

کوئٹہ (ڈیلی اردو) بلوچستان کے ضلع خاران میں نامعلوم مسلح افراد کی فائرنگ سے چار افراد ہلاک ہوگئے۔

بلوچستان کے ضلع خاران کے علاقے ڈیری فارم میں نامعلوم افراد نے گھر میں گھس کر فائرنگ کردی، جس کے نتیجے میں 4 افراد ہلاک اور ایک زخمی ہوگیا۔

واقعے کی اطلاع ملتے ہی پولیس کی بھاری نفری اور ریسکیو ٹیمیں جائے وقوعہ پر پہنچ گئی، اور لاشوں اور زخمی شخص کو ہسپتال منتقل کردیا۔

پولیس کے مطابق واقعہ گزشتہ رات کوئٹہ خاران روڈ کے قریب ڈیری فارم کے علاقے میں پیش آیا، مقتولین میں سے دو افراد کی شناخت شیخ سلیم اللہ تگاپی اور سیخ اسلام کے نام سے ہوئی ہے جبکہ زخمی میں دلشاد شامل ہے۔

https://twitter.com/ShabbirTuri/status/1593535128369782788?t=oSf51l6Uoiyol5ZlqafY6g&s=19

ذرائع کے مطابق تگاپی حکومت کا حمایتی اور مزاحمت کاروں کی مخبری کیا کرتا تھا۔

پولیس حکام کا کہنا ہے کہ واقعے کا مقدمہ درج کرلیا گیا ہے، تاہم ابھی حتمی طور پر نہیں کہا جاسکتا کہ واقعہ دیرینہ دشمنی کا شاخسانہ ہے یا کوئی واردات ہوئی ہے، زخمی شخص کے بیان کے بعد تحقیقات کا دائرہ وسیع کیا جائے گا۔