بلوچستان: کوئٹہ میں دستی بم حملوں میں 2 افراد شدید زخمی

کوئٹہ (ڈیلی اردو) پاکستان کے صوبے بلوچستان کے دارالحکومت کوئٹہ میں نامعلوم دہشت گردوں کی جانب سے پھینکے گئے ایک دستی بم دھماکے میں 2 افراد شدید زخمی ہوگئے۔

تفصیلات کے مطابق دستی بم حملہ کوئٹہ کے علاقے سریاب کے مستونگ روڈ پر واقع ایک حمام پر کیا گیا۔

واقعہ کی اطلاع ملتے ہی قانون نافذ کرنے والے ادارے جائے حادثہ پر پہنچ اور علاقے کو گھیرے میں لے لیا اور تحقیقات کا آغاز کردیا۔

ریسکیو حکام کے مطابق دستی بم حملے میں 2 افراد شدید زخمی ہوئے جنہیں طبی امداد کی فراہمی سول ہسپتال منتقل کردیا گیا۔

دریں اثنا کوئٹہ ہی کے علاقے مشکے ایم 8 روڈ پر ترقیاتی کام کرنے والے ڈمپر پر نامعلوم افراد نے آئی ڈی بم سے حملہ کیا۔

سیکیورٹی ذرائع کے مطابق دھماکے سے ڈمپر کو نقصان پہنچا تاہم اس پر سوار افراد محفوظ رہے۔