خیبر پختونخوا: شمالی وزیرستان میں 2 دھماکے، سیکیورٹی فورسز کے 2 اہلکار ہلاک، 5 شدید زخمی

پشاور (بیورو رپورٹ) صوبہ خیبر پختونخوا کے قبائلی ضلع شمالی وزیرستان میں دو مختلف مقامات پر بم دھماکوں میں دو اہلکار ہلاک اور پانچ افراد شدید زخمی ہوگئے ہیں۔

حکام کے مطابق تحصیل گڑیوم کے علاقے شمیری میں چیک پوسٹ ٹو کے قریب آئی ای ڈی دھماکہ کے نتیجے میں سکیورٹی فورسز کے دو اہلکار موقع پر ہی ہلاک ہوگئے۔

حکام کے مطابق ہلاک ہونے والے اہلکاروں کی شناخت حوالدار زاہد اور سپاہی شاہد کے ناموں سے کی گئی ہے۔ جن کی لاشوں کو ہیڈ کوارٹر منتقل کر دیا گیا۔

ادھر شمالی وزیرستان کی تحصیل میرعلی میں ایک اور بم دھماکہ کے نتیجے میں پانچ افراد شدید زخمی ہوئے۔

تمام زخمیوں کو ہیڈ کوارٹر ہسپتال منتقل کر دیا گیا۔

ہسپتال ذرائع کے مطابق چار زخمیوں کی حالت تشویشناک بتائی جاتی ہے۔

سکیورٹی فورسز نے علاقے کو گھیرے میں لیکر سرچ آپریشن شروع کر دیا ہے۔