دنیا بھر میں ٹوئٹر سروس متاثر، صارفین کو مشکلات کا سامنا

واشنگٹن (ڈیلی اردو) مائیکرو بلاگنگ ایپ ٹوئٹر کی دنیا بھر میں سروس متاثر ہونے سے صارفین کو مشکلات کا سامنا ہے۔

دنیا میں کروڑوں کی تعداد میں صارفین سوشل میڈیا پلیٹ فارم ٹوئٹر کو ویڈیوز اور پیغام رسانی کے لیے استعمال کرتے ہیں اور مختلف ممالک میں ٹوئٹر لوگوں کو مختلف پروگرامز کے لیے متحرک کرنے میں بھرپور کردار بھی ادا کرتا ہے جس کی تازہ ترین مثال کلائمیٹ چینج کے حوالے سے دنیا کے 156 ممالک میں ایک ہی روز مظاہرے ہیں۔ لیکن اطلاعات ہیں کہ دنیا بھر میں صارفین کو مائیکرو بلاگنگ ایپ استعمال کرنے میں مشکلات پیش آرہی ہیں۔

We've been experiencing outages across Twitter and TweetDeck. You might have had trouble Tweeting, getting notifications, or viewing DMs. We're currently working on a fix, and should be back to normal soon.

— Support (@Support) October 2, 2019

ٹوئٹر انتظامیہ کی جانب سے جاری اپنے پیغام میں بھی اس بات کی تصدیق کی گئی ہے کہ صارفین کو ٹوئٹر اور ٹوئٹ ڈیک کے استعمال کرنے میں مشکلات درپیش ہیں۔

ٹوئٹر کی جانب سے مزید کہا گیا ہے کہ ہم اس معاملے کو دیکھ رہے ہیں اور جلد تمام مسائل دور کردئیے جائیں گے۔

تصویر شیئر کرنے کی صورت میں صارف کو پیغام موصول ہوتا رہا کہ “یہ آپ کا فالٹ نہیں” ہے۔