سی ٹی ڈی کا پنجاب بھر میں انٹیلی جنس بیسڈ آپریشن، 11 دہشت گرد گرفتار

اسلام آباد (ش ح ط) کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف اضلاع میں کارروائیوں کے دوران کالعدم تنظیموں کے 11 مبینہ دہشت گردوں کو گرفتار کرلیا۔

تفصیلات کے مطابق سی ٹی ڈی نے پنجاب میں انٹیلی جنس بیسڈ آپریشن شروع کیا ہے اس دوران سی ٹی ڈی فورس نے مختلف کالعدم تنظیموں کے 11 دہشت گردوں کو گرفتار کر لیا ہے۔

Report: 11 alleged terrorists detained by Pakistani security in different areas of Punjab province. #Pakistan https://t.co/bFwTzblVnf

— FJ (@Natsecjeff) June 27, 2022

سی ٹی ڈی حکام کے مطابق دہشتگردوں سے ہینڈ گرنیڈ، اسلحہ، بارودی مواد، نقدی اور ممنوعہ لٹریچر بھی برآمد ہوا ہے۔ اس کے علاوہ سی ٹی ڈی حکام نے کارروائیوں کے دوران 63 افراد سے تفتیش کی گئی۔

سی ٹی ڈی حکام کا کہنا تھا کہ ملزمان کے خلاف مقدمات درج کرکے تفتیش شروع کردی گئی ہے۔

ترجمان کے مطابق گرفتار دہشت گردوں کے خلاف مقدمات درج کرکے انہیں تحقیقات کیلئے نامعلوم مقام پر منتقل کردیا گیا ہے۔