صومالی فوج نے الشباب کے 2 اعلیٰ کمانڈروں سمیت 70 عسکریت پسندوں کو ہلاک کر دیا

موغادیشو (ڈیلی اردو) صومالی نیشنل آرمی (ایس این اے) نے کہا ہے کہ اس کی خصوصی فورسز کے دستے نے وسطی شابیلی خطے میں واقع ایک قصبے جوہر کے نزدیک الشباب کے 70 عسکریت پسندوں کو ہلاک اور متعدد دیگر کو زخمی کر دیا ہے۔

فوج کے ترجمان علی ہاشی نے جمعرات کے روز ایس این اے ریڈیو موغادیشو کو بتایا کہ فوجیوں نے ایک کارروائی کے دوران متعدد علاقوں کو بھی آزاد کرا لیا ہے، یہ کارروائی ابھی تک جاری ہے۔

Ciidanka xoogga dalka Soomaaliyeed ayaa weerar ku qaaday degaanka Jilable, ee gobolka shabeelaha dhexe halkaasi oo ay ku dhuumaaleeysanayeen maleeshiyaadka kooxda nabadiidka ee Al-Shabaab.
70- maleeshiyaad iyo horjoogayaal ayaa argagixisada looga dilay degaankaasi.

— Somali National Armed Forces (@SNAForce) June 3, 2021

انہوں نے کہا کہ ہم نے جوہر قصبے کے نزدیک دہشت گردوں کے خلاف جاری آپریشن میں گوریلا حملوں کیلئے 2 اعلیٰ کمانڈروں سمیت الشباب کے 70 عسکریت پسندوں کو ہلاک اور متعدد دیگر کو زخمی کر دیا ہے۔

ہاشی نے یہ نہیں بتایا کہ صومالی فوج کا بھی کوئی جانی نقصان ہوا ہے یا نہیں لیکن شدید لڑائی میں کچھ اعلیٰ کمانڈروں کے ہلاک یا شدید زخمی ہونے کی غیر مصدقہ اطلاعات موصول ہوئی ہیں۔