لکی مروت میں ضلعی پولیس دفتر پر دستی بم حملہ، تین اہلکار زخمی

لکی مروت (نمائندہ ڈیلی اردو) صوبہ خیبر پختونخوا کے ضلع لکی مروت میں دہشت گردوں نے ڈسٹرکٹ پولیس آفیسر کے دفتر پر دستی بم حملے سے تین اہلکار زخمی ہوگئے ہیں۔

پولیس کے مطابق ضلعی پولیس افسر ٹانک کے دفتر پر اندرون بازار سے حملہ کیا گیا، حملہ اوروں نے دفتر پر دستی بم پھینکا، جو داخلی دفتر کے حفاظتی پکٹ کے قریب گر کر زور دار دھماکے سے پھٹ گیا۔

پولیس کے مطابق ضلعی پولیس آفیسر ٹانک کے دفتر پر دستی بم پھنٹے سے حوالدار کلیم اللہ، سپاہی سلیمان اور سپاہی اسماعیل زخمی ہو گئے ہیں۔

اطلاع ملنے پر پولیس، سی ٹی ڈی اور بم ڈسپوزل اسکواڈ نے موقع پر پہنچ کر علاقے کو گھیرے میں لے کر زخمی اہلکاروں کو ہسپتال پہنچایا۔

واقعے کے بعد حملہ آور فرار ہوگئے جبکہ دھماکے کی آواز دور تک سنی گئی، جس سے پولیس دفتر کے قریب رہائشی گھروں میں خوف و ہراس پھیلا گیا۔