مردان: سرکاری سکول کی طالبات میں برقعوں کی تقسیم، وزیر تعلیم کا معاملے سے لاتعلقی کا اظہار

مردان (ڈیلی اردو) صوبہ خیبر پختونخواہ کے ضلع مردان کے علاقے چینہ میں گورنمنٹ گرلز ماڈل سکول کی طالبات میں ضلعی رکن کی جانب سے برقعے تقسیم کیے گئے۔

ڈسٹرکٹ ممبر مظفر شاہ نے بتایا کہ انہوں نے عوامی نمائندے کے طور پر علاقائی روایات کو مدنظر رکھتے ہوئے سرکاری اسکول کی طالبات میں برقعے تقسیم کیے ہیں۔

برقعہ ہماری ثقافت کا حصہ ہے اور اسی لیے 90 برقعے اور چادریں تقسیم کی گئیں۔

دوسری جانب صوبائی وزیر تعلیم ضیا اللہ بنگش نے معاملے سے لاتعلقی کا اظہار کرتے ہوئے کہا ہے کہ حکومت کی اسکول میں برقعے تقسیم کرنے کی کوئی پالیسی نہیں اور یہ برقعے ضلعی کونسل کی رکن نے اپنے طور پر تقسیم کیے ہیں، انکے مطابق مقامی انتظامیہ کو اس ضمن کارروائی کی ہدایت بھی کی گئی ہے۔