مردان میں نامعلوم افراد کی فائرنگ سے پولیس افسر ہلاک

اسلام آباد (ش ح ط) صوبہ خیبر پختونخوا کے ضلع مردان میں نامعلوم افراد کی فائرنگ سے ایک پولیس افسر ہلاک ہوگیا ہے۔

یہ واقعہ تخت بھائی کے علاقے شاہ چراغ میں پیش آیا۔

تفصیلات کے مطابق پولیس حکام کا کہنا ہے کہ چوکی انچارج اے ایس آئی شاہ فیصل ڈیوٹی ختم کرکے واپس جارہے تھے کہ ان پر موٹر سائیکل سواروں نے فائرنگ کی اور فرار ہوگئے۔ واقعے کی اطلاع ملتے ہی ریسکیو اور پولیس کی ٹیمیں جائے وقوعہ پر پہنچ گئیں ہیں جبکہ لاش کو مردان ہسپتال منتقل کردیا گیا ہے۔

پولیس نے علاقے کو گھیرے میں لے کر سرچ آپریشن شروع کردیا ہے۔

مقامی ذرائع نے ڈیلی اردو کو بتایا کہ علاقے میں پولیس چوکی پڑاو پر پولیس افسر شاہ فیصل انچارج تعینات تھا۔

https://twitter.com/ShabbirTuri/status/1438555356762808325?s=19

مقامی پولیس اہلکار کے مطابق یہ ٹارگٹ کلنگ کا واقعہ ہے جبکہ کالعدم تنظیم تحریک طالبان پاکستان نے اس حملے کی ذمہ داری قبول کی ہے۔