وزیراعظم عمران خان کا کوئٹہ جانے سے انکار، ٹویٹ کے ذریعے دھرنا ختم کرنے کی اپیل

اسلام آباد (ڈیلی اردو) وزیراعظم عمران خان نے مچھ سانحے کے متاثرین کو کوئٹہ آنے کی یقین دہانی کرادی۔

اپنے بیان میں وزیراعظم عمران خان نے لواحقین سے اپنے پیاروں کی تدفین کی اپیل کی اور کہا کہ وہ دکھ اور تکلیف کی اس گھڑی میں متاثرین کے ساتھ ہیں۔

انہوں نے کہا کہ پہلے بھی مشکل وقت میں اظہار یکجہتی کے لیے کوئٹہ آئے، جلد دوبارہ کوئٹہ آکر تمام خاندانوں سے تعزیت کریں گے۔

I share your pain & have come to you before also to stand with you in your time of suffering. I will come again very soon to offer prayers and condole with all the families personally. I will never betray my people's trust. Please bury your loved ones so their souls find peace.

— Imran Khan (@ImranKhanPTI) January 6, 2021

وزیراعظم نے کہا کہ اپنے لوگوں کے اعتماد کو کبھی ٹھیس نہیں پہنچائیں گے، غم زدہ ہزارہ خاندانوں کی تکلیف اور مطالبات کا علم ہے، مستقبل میں اس قسم کے حملوں کی روک تھام کےلیے اقدامات کیے جارہےہیں۔

I want to reassure the Hazara families who lost their loved ones in a brutal terrorist attack in Machh that I am cogniscant of their suffering & their demands. We are taking steps to prevent such attacks in the future & know our neighbour is instigating this sectarian terrorism.

— Imran Khan (@ImranKhanPTI) January 6, 2021

واضح رہے کہ بلوچستان کے ضلع بولان کی تحصیل مچھ کے علاقے گشتری میں 2 اور 3 جنوری کی درمیانی شب داعش کے دہشت گردوں نے کوئلے کی کان میں کام کرنے والے شیعہ ہزارہ برادری سے تعلق رکھنے والے مزدوروں کو اغوا کر کے پہلے پہاڑوں پر لے گئے اور پھر ان کو ذبح کر دیا گیا تھا، واقعے میں 11 مزدور ہلاک اور 6 زخمی ہوئے تھے۔