پاکستان کا کروز میزائل ’’بابر ون بی‘‘ کا کامیاب تجربہ

راولپنڈی (ڈیلی اردو) پاکستان نے مقامی طورپر تیار کردہ بابر کروز میزائل ون بی کا کامیاب تجربہ کیا ہے۔

آئی ایس پی آر کی جانب سے جاری بیان کے مطابق پاکستان نے مقامی طور پر تیار کردہ بابر کروز میزائل 1 بی کا کامیاب تجربہ کیا ہے۔

https://twitter.com/ShabbirTuri/status/1473259067669766146?t=vp0Vm5NJH2cNUgfGVWeMkA&s=19

بابرکروز میزائل بی ون کے کامیاب تجربے پر صدر ڈاکٹر عارف علوی، وزیراعظم عمران خان، چئیرمین جوائنٹ چیفس آف اسٹاف کمیٹی ندیم رضا اور سروسز چیف نے سائنسدانوں اور انجینئرز کو مبارکباد دی۔

بابر کروز میزائل بی ون کے تجربے کے موقع پر ڈائریکٹر جنرل اسٹریٹیجک پلانز ڈویژن لیفٹیننٹ جنرل ندیم ذکی منج اورچئیرمین نیسکام ڈاکٹر رضا ثمر بھی موجود تھے۔

ڈائریکٹر جنرل اسٹریٹجک پلانز ڈویژن جنرل ندیم ذکی منج کا کہنا تھا کہ یہ تجربہ پاکستان کی اسٹریٹیجک ڈیٹرنس کو مزید مضبوط کرے گا۔

ڈائریکٹر جنرل اسٹریٹیجک پلانز ڈویژن نے سائنسدانوں اور انجینئرز کو کروز میزائل ٹیکنالوجی کے شعبے میں شاندار کارکردگی کا مظاہرہ کرنے پر مبارکباد دی۔

آئی ایس پی آر کے مطابق میزائل لانچنگ کا مشاہدہ کمانڈر آرمی اسٹریٹجک فورس کمانڈ لیفٹیننٹ جنرل محمد علی، اسٹریٹجک پلانز ڈویژن کے سینئر افسران، اسٹریٹجک فورسز، سائنسدانوں اور انجینئرز نے بھی کیا۔