پشاور سے کالعدم تحریک طالبان پاکستان کا انتہائی مطلوب دہشت گرد گرفتار

اسلام آباد (ش ح ط) صوبہ خیبر پختونخوا کے دارالحکومت پشاور میں کاؤنٹر ٹیررازم ڈیپارٹمنٹ نے کارروائی کرتے ہوئے کالعدم تحریک طالبان طالبان پاکستان کے انتہائی مطلوب دہشت گرد کو گرفتار کرلیا۔

تفصیلات کے مطابق کاؤنٹر ٹیررازم ڈیپارٹمنٹ (سی ٹی ڈی) نے انٹیلی جنس بنیاد پر حاجی کیمپ اڈے پشاور میں کارروائی کرتے ہوئے کالعدم تحریک طالبان طالبان پاکستان (ٹی ٹی پی) کے انتہائی مطلوب دہشت گرد حضرت ولی ولد سید ولی سکنہ شیخان باڑہ کو گرفتار کرلیا۔

https://twitter.com/ShabbirTuri/status/1476643485201559557?t=aFfMzwXMa5gpFpVniUxB3Q&s=19

گرفتار دہشت گرد کو نامعلوم مقام پر منتقل کر دیا گیا۔

ذرائع کا کہنا ہے کہ گرفتار دہشت گرد حضرت ولی کا تعلق کالعدم تنظیم ٹی ٹی پی کے شیخ عبدالولی گروپ سے ہے۔ ملزم کے قبضے سے اسلحہ برآمد کر لیا ہے۔

سی ٹی ڈی کا کہنا تھا کہ حضرت ولی ٹارگٹ کلنگ اور بھتہ خواری کی متعدد واردارتوں میں ملوث ہے، ملزم نے 20/21 دہشت گردوں کے ہمراہ سنہ 2009 میں پولیس اسٹیشن پشتخرہ کے چیک پوسٹ تاج آباد پر حملہ کیا۔ حملے میں دو کنسٹیبلان محمد جاوید اور شوکت علی ہلاک ہوئے۔ ملزمان پولیس اہلکاروں سے سرکاری اسلحہ و ایمونیشن بھی ساتھ لے گئے تھے۔

ملزم سے تفتیش جاری ہے اور ان سے مزید انکشافات کی توقع  ہے۔

خیبر پختونخوا حکومت کی جانب سے دہشت گرد کے سر کی قیمت پانچ لاکھ روپے مقرر تھی۔