پنجاب میں گزشتہ 4 ماہ کے دوران 73 دہشت گرد گرفتار

لاہور (ڈیلی اردو) کاؤنٹر ٹیررازم ڈپارٹمنٹ (سی ٹی ڈی) اور قانون نافذ کرنے والے اداروں نے پنجاب میں 4 ماہ کے دوران 73 مبینہ دہشت گردوں کو گرفتار کر کے بھاری مقدار میں دھماکا خیز مواد برآمد کر لیا۔ سی ٹی ڈی نے رپورٹ پنجاب حکومت کو بھجوا دی۔

تفصیلات کے مطابق تحریک طالبان پاکستان اور داعش سمیت دیگر تنظمیوں کے دہشت گردوں کی گرفتاریاں 381 انٹیلی جنس بیسڈ آپریشنز کے دوران گرفتار کی گئیں، سی ٹی ڈی اور قانون نافذ کرنے والے اداروں نے لاہور سمیت دیگر اضلاع میں 7511 کومبنگ اپرئشن کیے، کومبنگ آپرئشنز کے دوران 1318 مشتبہ افراد بھی گرفتار ہوئے۔

رپورٹ کے مطابق گرفتار دہشت گردوں سے ہینڈ گرینیڈ، دھماکا خیز مواد، سیفٹی فیوز اور ڈیٹونیٹرز برآمد کیے گئے۔

رپورٹ کے مطابق کومبنگ آپریشنز کے دوران قانون نافذ کرنے والے اداروں نے 2,88,298 افراد سے پوچھ گچھ کی گئی، کومبنگ آپرئشنز اور انٹیلی جنس بیسڈ اپرئشنز کے دوران 1068 مقدمات کا اندراج کیا گیا، کومبنگ آپریشنز اور انٹیلی جنس بیسڈ آپریشنز میں سی ٹی ڈی اور دیگر قانون نافذ کرنے والے اداروں نے حصہ لیا۔