کراچی میں حساس اداروں اور پولیس کی کارروائی، کالعدم تحریک طالبان پاکستان کا دہشت گرد ہلاک

کراچی (ڈیلی اردو) وفاقی حساس اداروں اور سندھ پولیس نے صوبائی حکومت کراچی میں بڑی کارروائی کرتے ہوئے کالعدم تنظیم کے صادق قاری نامی دہشت گرد کو ہلاک کردیا۔

ڈیلی اردو کے مطابق پولیس نے بتایا کہ مبینہ دہشت گرد سے مقابلہ سعیدآباد میں ہوا جس میں صادق عرف بلال عرف قاری عرف افغانی مارا گیا۔

مبینہ دہشت گرد کراچی میں کالعدم تنظیم تحریک طالبان پاکستان کے نیٹ ورک کا اہم رکن اور کراچی میں کالعدم ٹی ٹی پی کیلئے نوجوانوں کی برین واشنگ بھی کرتا تھا۔

دہشت گرد کا نیٹ ورک کراچی میں تاجروں کو اغوا کر کے بھتہ وصول کرنے کے واقعات میں ملوث ہے۔

پولیس نے بتایا کہ ملزم نے اپنے ساتھیوں کے ہمراہ 12 دسمبر 2023 میں حارث الرحمٰن نامی تاجر کو کراچی سے اغوا کیا تھا اور تاجر کے والد کو افغانستان سے کال کر کے 10 کروڑ روپے تاوان طلب کیا تھا۔

ہلاک دہشت گرد کے قبضے سے ایک عدد ہینڈ گرنیڈ اور کلاشنکوف بھی برآمد ہوئی جبکہ وہ پانچ شہریوں کے ہلاکت بھی میں ملوث تھا۔