کوئٹہ: مدرسے میں فائرنگ، 2 طلبا جاں بحق

کوئٹہ (ڈیلی اردو )‏پشتون آباد کے علاقے میں مدرسے میں کلاشنکوف چیک کرتے ہوئے فائرنگ سے 2 طلبا جاں بحق ہو گئے ہیں

تفصیلات کے مطابق کوئٹہ کے علاقے مٹھا چوک پشتون آباد میں حافظ ظاہر کے مدرسے میں کلاشنکوف چیک کرنے کے دوران فائرنگ سے دو طالب علم جاں بحق ہو گئے۔ ذرائع کے مطابق مدرسے میں فائرنگ سے جاں بحق ہونے والے طلبا کی شناخت حافظ عبد الرازق ولد عبداللہ عمر 18 سال سکنہ پشتون آباد جبکہ دوسرے کی شناخت رشید ولد شیر محمد قوم اچکزئی عمر 14 سال سنکہ پشتون آباد کے نام سے ہوئی ہے۔ دونوں طلبا کو الگ الگ ہسپتال منتقل کردیا گیا ہے۔

ذرائع کا کہنا ہے کہ جاں بحق ہونے والے ایک طالب علم کو سول ہسپتال کوئٹہ جبکہ دوسرے طالب علم کو الگیلانی ہسپتال کوئٹہ منتقل کیا گیا

ذرائع کا کہنا ہے کہ پولیس نے ایک طالب علم کو گرفتار کر لیا ہے جبکہ پولیس حکام نے تفتیش کا دائرہ کار وسیع کر دیا ہے اور مدرسے کے طلبا اور انتظامیہ سے پوچھ گچھ شروع کردی ہے