آبنائے ہرمز آپریشن: برطانیہ کا جنگی بحری جہاز مشرقِ وسطیٰ روانہ

لندن (ڈیلی اردو/اے پی) برطانیہ نے اپنا جنگی بحری جہاز مشرقِ وسطیٰ کی جانب روانہ کر دیا ہے۔

برطانوی وزارتِ دفاع کے مطابق رائل نیوی کا ڈسٹرائر ایچ ایم ایس ڈریگن مشرق وسطیٰ میں تعینات کیا جائے گا۔

ایسوسی ایٹڈ پریس (اے پی) کے مطابق یہ اقدام تنازع کے بعد آبنائے ہرمز میں جہاز رانی کی حفاظت کے ممکنہ بین الاقوامی مشن کا حصہ ہو سکتا ہے۔

رپورٹس کے مطابق یہ ڈسٹرائر ایسے وقت میں خطے کی طرف روانہ کیا جا رہا ہے جب حالیہ کشیدگی کے باعث یورپی ممالک نے آبنائے ہرمز میں سمندری راستوں کو محفوظ بنانے کے حوالے سے مختلف تجاویز پر غور کیا ہے۔

یورپی ممالک نے اس مشن میں اپنی مکمل شمولیت کو جنگ کے خاتمے تک مؤخر کر دیا ہے۔