اسامہ بن لادن کی ایبٹ آباد موجودگی: سی آئی اے چیف نے وزیراعظم عمران خان کے بیان کی تردید کردی

واشنگٹن (ڈیلی اردو/ نیوز ایجنسی) امریکی خفیہ ایجنسی سی آئی اے کے سابق ڈائریکٹر ڈویڈ پیٹریاس نے وزیراعظم عمران خان کے اسامہ بن لادن کی موجودگی سے متعلق بیان کی تردید کر دی۔

باراک اوبامہ کے دور حکومت میں سی آئی اے کے سربراہ رہنے والے ڈیوڈ پٹریاس نے کہا ہے پاکستان کی خفیہ ایجنسی انٹر سروس انٹیلی جنس (آئی ایس آئی) القاعدہ کے سربراہ اسامہ بن لادن کی ایبٹ آباد میں موجودگی سے لا علم تھی۔

میڈیا رپورٹس کے مطابق نیویارک میں ایک تقریب کے دوران سابق سی آئی اے چیف نے دعویٰ کیا کہ آئی ایس آئی کو ایبٹ آباد میں امریکی کمانڈوز کے آپریشن کا بھی نہیں پتہ تھا اور وہ یہ بھی نہیں جانتے تھے اسامہ پاکستان میں روپوش ہے۔

خیال رہے وزیراعظم عمران خان نے اپنے حالیہ دورہ امریکہ کے دوران چینل فوکس نیوز کو ایک انٹرویو میں بتایا تھا آئی ایس آئی نے سی آئی اے کو اسامہ بن لادن کی موجودگی کا سرا دیا تھا، اس بیان سے قبل پاکستانی حکومت کہتی رہی ہے وہ القاعدہ رہنما کی ایبٹ آباد میں موجودگی سے مکمل لا علم تھی۔

Prime Minister of Pakistan Imran Khan's Exclusive Interview on Fox News. (3/6)#PrimeMinisterImranKhan #Pakistan ???????? #USA ???????? #KhanMeetsTrump #PMIKInUSA pic.twitter.com/hMMyi6Uoje

— Government of Pakistan (@GovtofPakistan) July 23, 2019

ڈیوڈ پیٹریاس 6 ستمبر 2011 کو سی آئی اے کے ڈائریکٹر تعینات ہوئے تھے اور اس عہدے سے 9 نومبر 2012 کو مستعفی ہوئے، سی آئی اے نے جب ایبٹ آباد آپریشن کیا اس وقت لیون پینٹا ایجنسی کی سربراہی کر رہے تھے اور اس کے بعد امریکی صدر نے لیون پینٹا کو وزیردفاع بنا دیا تھا۔