اسرائیل کا غزہ پر فضائی حملہ، حاملہ خاتون اور 14 ماہ کی بچی سمیت 10 فلسطینی شہید

غزہ (نیوز ڈیسک) فلسطین میں قابض اسرائیلی فوج کی فائرنگ سے زخمی ہونے والی حاملہ خاتون اور ایک 14 ماہ کی بچی زخموں کی تاب نہ لاتے ہوئے شہید ہوگئی۔ گزشتہ چوبیس گھنٹوں میں 10 فلسطینی شہید جبکہ درجنوں زخمی ہو گئے

بین الاقوامی خبر رساں ادارے کے مطابق قابض اسرائیلی فوج کی غزہ کی پٹی پر مظاہرین پر فائرنگ سے زخمی ہونے والی حاملہ خاتون اور ایک 14 ماہ کی بچی زخمیوں کی تاب نہ لاتے ہوئے آج خالق حقیقی سے جا ملے۔

A 1-year-old baby and her pregnant aunt are among at least 10 Palestinians killed by Israeli air raids in Gaza strip in the latest escalation. pic.twitter.com/1SxFqqZbtZ

— Al Jazeera English (@AJEnglish) May 5, 2019

غزہ کی پٹی پر جمعہ کے روز اپنے گھروں کو واپسی مہم کے تحت ہزاروں مظاہرین نے اسرائیلی سرحد کی جانب مارچ کیا اور اسرائیلی جارحیت کیخلاف شدید نعرے بازی کی جس پر اسرائیلی فوج نے مظاہرین کو براہ راست فائرنگ کا نشانہ بنایا تھا۔

دوسری جانب آج اسرائیلی فوج کی جانب سے دعویٰ کیا گیا ہے کہ غزہ کے علاقے سے اسرائیلی سرزمین پر متعدد میزائل داغے گئے جس کے نتیجے میں 58 سالہ اسرائیلی شہری اور 80 سالہ خاتون زخمی ہوئیں جس کے جواب میں اسرائیلی فضائیہ نے حماس کے ٹھکانوں کو نشانہ بنایا۔

Nine Palestinians and three Israelis killed, as Israelis forces mass on Gaza border https://t.co/g6ML8E0yor pic.twitter.com/Bgacp6Hkoy

— Al Jazeera English (@AJEnglish) May 5, 2019

واضح رہے کہ جمعہ کے روز اپنے گھروں کو واپسی مہم کے تحت 57 ویں مظاہرے کے دوران اسرائیلی فوج نے نہتے فلسطینیوں کو براہ راست گولیاں کا نشانہ بنایا تھا جس کے نتیجے میں 4 فلسطینی نوجوان شہید اور 50 سے زائد زخمی ہوگئے تھے۔