افغانستان: طالبان کے حملے میں ضلع کاپیسا کے گورنر عزیز الرحمن تواب ہلاک

کابل (ڈیلی اردو) افغان صوبے نجراب کے ضلع کاپیسا کے گورنر عزیز الرحمن تواب طالبان کے ساتھ ایک جھڑپ میں ہلاک ہوگئے۔

افغان ٹی وی کے مطابق صوبے کاپیسا میں طالبان کے ساتھ ایک جھڑپ میں ڈپٹی گورنر عزیز الرحمن تواب ہلاک گئے ہیں۔

اس سے قبل آج افغان علاقے اسپین بولدک میں طالبان اور افغان فورسز کے درمیان جھڑپوں کے درمیان رائٹرز خبرایجنسی کا بھارتی صحافی دانش صدیقی بھی ہلاک ہوگئے۔

خیال رہے افغانستان پر قبضے کی جنگ میں طالبان کابل کے قریب پہنچ چکے اور دارالحکومت کے گرد گھیرا تنگ کردیا ہے جبکہ قندھار، غزنی اور ہرات میں گھمسان کی لڑائی جاری ہے۔

طالبان نے صوبہ پروان کی اہم اسٹریٹیجک وادی غوربند پر قبضہ کرلیا ہے جبکہ قندوز، تخار، ہرات، تورغندی، پکتیا کی بندرگاہوں پر بھی کنٹرول حاصل کرنے کا دعویٰ کیا ہے۔