افغانستان: کنڑ میں سیاحت پر آئے نوجوان کی سر کٹی لاش برآمد

کابل (ڈیلی اردو) افغانستان کے صوبہ کنڑ میں دریائے کنڑ کے قریب ایک نوجوان کی سر کٹی لاش برآمد ہوئی ہے، جسے نامعلوم افراد کی جانب سے قتل کیے جانے کا شبہ ظاہر کیا گیا ہے۔

مقامی ذرائع کے مطابق مقتول کی شناخت عبدالباسط کے نام سے ہوئی ہے، جو صوبہ ننگرہار کے ضلع کامہ کا رہائشی تھا۔ ذرائع کا کہنا ہے کہ عبدالباسط دو روز قبل سیاحت کی غرض سے ننگرہار سے کنڑ آیا تھا۔

ذرائع کے مطابق نامعلوم افراد نے مبینہ طور پر نوجوان سے موبائل فون اور تین پہیوں والی گاڑی چھیننے کے بعد اسے قتل کیا اور اس کی لاش دریائے کنڑ میں پھینک دی۔ نوجوان کی سر کٹی لاش گزشتہ دوپہر دریا کے قریب سے برآمد ہوئی۔

واقعے کے بعد مقامی ذرائع نے قتل کے محرکات اور ملزمان کی شناخت کے حوالے سے مزید تفصیلات سامنے نہیں لائیں۔