القاعدہ سربراہ اسامہ بن لادن کے ٹھکانے سے ملنے والے سامان میں’فحش ویڈیوز’ کی موجودگی کا انکشاف

دبئی (ڈیلی اردو/نیوز ایجنسیاں) عالمی اسلامی شدت پسند تنظیم القاعدہ کے بانی سربراہ اسامہ بن لادن کے پاکستان کے شہر ایبٹ آباد میں واقع مبینہ ٹھکانے سے ملنے والے دیگر اہم مواد اور دستاویزات میں فحش مواد پر مبنی فلموں کی موجودگی کا بھی انکشاف ہوا ہے۔

غیر ملکی خبر رساں ادارے ‘رائیٹرز’ کے مطابق امریکی خفیہ ادارے ‘سی آئی اے’ کو اسامہ بن لادن کے ٹھکانے سے ملنے والے قیمتی معلوماتی ذخیرے سے دیگر سامان کے ساتھ فحش مواد پر مبنی ویڈیوز بھی ملی تھیں۔ یہ ویڈیوز القاعدہ کمانڈروں اور اسامہ بن لادن کے درمیان ہونے والی خط کتابت کے دوران انہیں بھیجی گئی تھیں۔ سنہ 2011ء کو جب امریکی فوج نے بن لادن کے ٹھکانے پر حملہ کر کے اسے ہلاک کر دیا تو وہاں سے بڑی مقدار میں دستاویزات حاصل کیں تو ان میں قابل اعتراض مواد بھی موجود تھا۔

امریکی حکام کا کہنا ہے کہ انہیں اسامہ بن لادن کے ٹھکانے سے ایسی سی ڈیز ملیں جن میں فحش مواد موجود ہے۔ یہ فحش مواد آنے والے دنوں میں نیشنل جیو گرافک کے حوالے جائے گا۔

توقع ہے کہ امریکی صحافی جلد ہی امریکی نیوی سیلز کے ہاتھ لگنے والے اسامہ بن لادن اور القاعدہ کے حساس ریکارڈ کی تفصیلات شایع کریں گے۔

امریکی حکام کا کہنا ہے کہ انہیں بن لادن کے ٹھکانے ایسا مواد بھی ملا تھا جس میں القاعدہ کی طرف سے 11 ستمبر 2001ء کو امریکا پر القاعدہ کےحملوں کی منصوبہ بندی کا بھی پتا چلتا ہے۔