امریکا نے افغان طالبان پر نئی پابندیاں لگا دیں

واشنگٹن (ڈیلی اردو) امریکہ نے افغانستان کی طالبان حکومت کے حکام پر نئی پابندیاں عائد کردی ہیں۔ پابندیوں کا جواز یہ پیش کیا گیا ہے کہ یہ حکام افغانستان میں لڑکیوں کی تعلیم میں رکاوٹ ڈال رہے ہیں۔

امریکی وزیر خارجہ انٹونی بلنکن نے اعلان کیا کہ طالبان کے موجودہ اور سابق وہ حکام جو خواتین کو دبانے میں ملوث ہیں انہیں ویزے جاری ہیں کیے جائیں گے۔

امریکہ کی جانب سے پابندیوں کا اکثر مطلب یہ ہوتا ہے کہ اس کے زیراثر ممالک بھی یہی پابندیاں عائد کرتے ہیں۔

بلنکن نے پابندیوں کا اعلان اقوام متحدہ کے لڑکیوں سے متعلق بین الاقوامی دن کے موقع پر کیا۔

The U.S. is taking action to sanction those involved in repressing women and girls in Afghanistan. We continue to press the Taliban and others to respect the human rights and fundamental freedoms—including the right to education—of all Afghans, including women and girls.

— Secretary Antony Blinken (@SecBlinken) October 11, 2022

انہوں نے کہاکہ ایک برس سے افغانستان دنیا کا واحد ملک ہے جہاں چھٹی جماعت کے بعد لڑکیوں کو اسکول جانے سے منظم انداز میں روکا جا رہا ہے۔

امریکی وزیر خارجہ نے کہاکہ ہم طالبان اور دیگر پر مسلسل دباؤ ڈال رہے ہیں کہ وہ انسانی حقوق اور بنیادی آزادیوں کا اجترام کریں جن میں خواتین اور بچیوں کی بنیادی آزادی بھی شامل ہے۔