امریکی نائب وزیر خارجہ ایلس ویلز 4 روزہ دورے پر پاکستان پہنچ گئیں

اسلام آباد (ڈیلی اردو) امریکا کی نائب معاون وزیر خارجہ ایلس ویلز 4 روزہ دورے پر پاکستان پہنچ گئیں۔

تفصیلات کے مطابق امریکی نائب معاون وزیر خارجہ ایلس ویلز سری لنکا اور بھارت کے دورے کے بعد اسلام آباد پہنچی ہیں۔

We are happy to welcome Principal Deputy Assistant Secretary Alice Wells to #Pakistan! PDAS Wells plans to meet with Pakistani officials and others to discuss progress on various issues in our growing relationship. #Partners4Prosperity #USPAK #USinPAK #USEmbassyISB pic.twitter.com/FnmsRQOwsO

— U.S. Embassy Islamabad (@usembislamabad) January 19, 2020

ایلس ویلز پاکستان کے 4 روزہ دورے میں وزیراعظم عمران خان، آرمی چیف جنرل قمر جاوید باجوہ اور وزیر خارجہ مخدوم شاہ محمود قریشی سمیت دیگر سینئر حکومتی حکام اور سول سوسائٹی کے نمائندگان سے ملاقاتیں کریں گی۔ جن میں پاک امریکا تعلقات اور علاقائی امور پر بات چیت کی جائے گی۔

امریکی نائب معاون وزیر خارجہ حالیہ ایران امریکا کشیدگی اور افغانستان میں جاری مفاہمتی عمل سمیت امریکا طالبان مذاکرات کے حوالے سے بھی پاکستانی حکام سے بات چیت کریں گی۔

اسلام آباد پہنچنے پر ایلس ویلز اور ان کے وفد کا دفتر خارجہ اور امریکی سفارت خانے کے حکام نے پرتپاک استقبال کیا۔ امریکا کی نائب وزیر خارجہ ایلس ویلز 22 جنوری تک پاکستان میں چار روز قیام کریں گی۔