ایرانی سیکورٹی فورسز کی میں کارروائی میں جیش الظلم کے 3 دہشت گرد ہلاک

تہران (ڈیلی اردو)ایران کے صوبےسیستان و بلوچستان میں ایرانی سیکورٹی فورسز نے آپریشن کرکے دہشتگرد گروہ جیش الظلم کے تین دہشت گردوں کو ہلاک کردیا ہے۔

ایرانی خبر رساں ادارے کے مطابق سیکورٹی ذرائع کے مطابق خفیہ ایجنسیوں کی معلومات کی بنیاد پر سیکیورٹی کے جوانوں نے دہشت گردوں کے نیٹ ورک کے خلاف آپریشن کیا اور سیستان و بلوچستان کے جنوب میں واقع دہشت گردوں کے نیٹ ورک کو تباہ کردیا، ہونے والی کارروائی میں دہشت گرد گروہ جیش الظلم کے تین اہلکار دہشتگرد ہلاک ہوگئے۔

آپریشن کے دوران دہشت گردوں کے قبضے سے بڑی مقدار میں ہتھیار اور ممنوعہ آلات برآمد ہوئے۔

سیکورٹی حکام نے کہا ہے کہ صوبے کا امن برقرار رکھنے کے لئے شرپسندوں اور دہشت گردوں کے خلاف کارروائیوں کا سلسلہ جاری رہے گا۔