بنوں: پاکستانی طالبان کا فوجی ڈیری فارم پر حملہ، 200 سے زائد گائیں اور 2 ملازمین اغواء

واشنگٹن (ش ح ط) پاکستان کے شورش زدہ صوبے خیبر پختونخوا کے ضلع بنوں کے کینٹ کی حدود میں عسکریت پسندوں نے ایک ڈیری فارم پر دھاوا بول کر فارم پر ہاتھ صاف کر دیا۔ حملے کے دوران 200 سے زائد قیمتی گائیں اور دیگر مال مویشی اپنے ساتھ لے گئے، جبکہ ڈیری فارم کے دو ملازمین کو بھی اغواء کر لیا گیا۔

سرکاری ذرائع کے مطابق یہ فارم بنوں کینٹ کو دودھ کی سپلائی فراہم کرتا تھا۔ عسکریت پسندوں نے رات کی تاریکی کا فائدہ اٹھاتے ہوئے گائیں چرا لیں اور اغواء شدہ ملازمین کی ویڈیو بھی جاری کر دی ہے۔

اس حملے کی ذمہ داری کالعدم تنظیم تحریک طالبان پاکستان نے قبول کر لی ہے۔ جاری کردہ ویڈیو میں اغواء شدہ ملازمین نے حکومت سے اپنی رہائی اور طالبان کے مطالبات پورے کرنے کی اپیل کی ہے۔