بھارتی ریاست مدھیہ پردیش میں عجیب الخلقت بچے کا انکشاف

نئی دہلی (ویب ڈیسک) بھارت کی ریاست مدھیہ پردیش میں ایک ایسے بچے کا انکشاف ہواہے اس طرح عجیب الخلقت ہے کہ اس کا تمام چہرہ کسی بکری یا بھیڑ کی طرح بالوں سے ڈھکا ہواہے۔

میڈیا رپورٹس کے مطابق اصل میں مدھیہ پردیش کے علاقے رتلام سے تعلق رکھنے والا 13 سالہ للت پٹیدار پیدائشی طور پر ایک عجیب و غریب بیماری کاشکارہے جو بھی اس کاپہلی مرتبہ دیکھتا ہے وہ ڈر جاتاہے لیکن جو لوگ اسے جانتے ہیں وہ اب اس بچے سے اس قدر مانوس ہو چکے ہیں کہ اب انہیں نہ تو انہیں للت سے ڈر لگتا ہے اور نہ ہی عجیب محسوس ہوتاہے ۔

ڈاکٹروں کا کہناہے کہ للت ہائپر ٹریکوسس نامی بیماری کے ساتھ پیدا ہوا جسے’ ’ویروولف سینڈروم‘ ‘بھی کہا جاتا ہے۔اس بیماری میں ملوث افراد کے چہرے سمیت پورے جسم پر 5 سینٹی میٹر تک لمبے بال نکلتے آتے ہیں۔

یہ عجیب الخلقت بچہ للت اپنے سکول اور علاقے کے دوستوں میں بہت مشہور ہو چکا ہے اور اس کے ساتذہ کا کہناہے کہ للت پڑھائی میں اچھا لیکن شرارتی بھی ہے ۔للت کا کہنا ہے کہ اس کے دوست بہت اچھے ہیں اور وہ اپنے دوستوں کے ساتھ خوب کھیلتا ہے لیکن کبھی کبھار اجنبی لوگ مجھے دیکھ کر پتھر مارتے ہیں اور بندر بھی کہا جاتا ہے ،

اس نے کہا کہ کبھی کبھار میں سوچتا ہوں کہ کاش میں بھی دوسرے بچوں کی طرح ہوتا لیکن اس حوالے سے کچھ کرنے کے قابل نہیں ہوں، اب میں خود کو اس صورت حال کا عادی بنا چکا ہوں اور میں خود سے مطمئن ہوں کیونکہ چہرے پر بڑے بالوں کی وجہ سے ہی میں دوسروں سے الگ نظر آتا ہوں۔

للت کی والدہ کا کہنا ہے کہ میرا بیٹا 5 بہنوں کا کلوتابھائی ہے اوربہت سی دعاﺅں کے بعد پیدا ہوا ہے، اس لئے ہی میرے لئے بہت ہی اہم ہے ۔