بھارت کے جوہری معاملات میں خطرناک تبدیلیوں سے مکمل طور پر آگاہ ہیں: زبیر محمود حیات

نوشہرہ (ڈیلی اردو) چیئرمین جوائنٹ چیفس آف اسٹاف کمیٹی جنرل زبیر محمود حیات نے کہا ہے کہ پاکستان ایک ذمہ دار جوہری ملک ہے اور ہم بھارت کے جوہری معاملات میں خطرناک تبدیلیوں سے مکمل طور پر آگاہ ہیں۔ ان کا کہنا تھا کہ پاکستان تمام خطرات سے نمٹنے کےلئے مکمل طور پر تیار اور پُرعزم ہے۔

انہوں نے کہا بھارت میں نسلی منافرت کو ہوا دی جا رہی ہے۔ مسئلہ کشمیر اقوام متحدہ کی قراردادوں کے مطابق حل کیا جائے۔کشمیر تقسیم ہند کا نامکمل ایجنڈا ہے۔ کشمیر سے متعلق اقوام متحدہ کی قراردادوں پر عمل ہونا چاہیئے۔

رسالپور کی پی اے ایف اصغرخان اکیڈمی میں کیڈٹس کی پاسنگ آؤٹ پریڈ ہوئی۔ پاس آؤٹ ہونے والوں کو بیجز لگائے گئے، نمایاں کارکردگی دکھانے والوں کو شیلڈز سے نوازا گیا۔ رسالپور میں پی اےایف اصغرخان اکیڈمی میں کیڈٹس کی پاسنگ آؤٹ پریڈ کا انعقاد ہوا۔

چیئرمین جوائنٹ چیفس آف اسٹاف کمیٹی جنرل زبیر محمود حیات پاسنگ آؤٹ پریڈ کے مہمان خصوصی تھے۔ ایئرچیف مارشل مجاہد انور خان بھی تقریب میں  شریک ہوئے۔ تقریب میں قومی ترانہ بجایا گیا۔

چیئرمین جوائنٹ چیفس آف اسٹاف کمیٹی جنرل زبیر محمود حیات  نے پریڈ کا معائنہ کیا۔ مہمان خصوصی  نے کیڈٹس کو بیجز لگائے، نمایاں کارکردگی دکھانے والے کو شیلڈز اور اعزازات سے نوازا گیا۔

تقریب میں فلائنگ پاسٹ کا شاندار مظاہرہ کیا گیا۔ تقریب میں دوست ممالک کے کیڈٹس بھی پاس آؤٹ ہونےوالے کیڈٹس بھی شامل تھے۔ تقریب سے خطاب میں جنرل محمود حیات نے کہا آج کے کیڈٹس مستقبل میں پاک فضائیہ کی قیادت ہیں۔