تیراہ میں سکیورٹی فورسز کا انٹیلی جنس آپریشن، گل بہادر گروپ کا مطلوب دہشتگرد ہلاک

تیراہ(ڈیلی اردو) خیبرپختنوخواہ کے شورش زدہ ضلع  خیبر کے علاقے تیراہ کی اکاکھیل شڈلے میں سکیورٹی فورسز نے انٹیلی جنس بنیادوں پر کارروائی کرتے ہوئے گل بہادر گروپ سے وابستہ ایک مطلوب دہشتگرد کو ہلاک کردیا۔

سکیورٹی ذرائع کے مطابق کارروائی گزشتہ روز اکاکھیل شڈلے کے علاقے میں کی گئی، جس کے دوران گل بہادر گروپ سے تعلق رکھنے والا دہشتگرد بلال عرف لالوالی ہلاک ہوا۔

ذرائع کا کہنا ہے کہ ہلاک دہشتگرد سپاہ قبیلے سے تعلق رکھتا تھا اور سکیورٹی اداروں کو دہشتگردی کی مختلف سرگرمیوں کے سلسلے میں مطلوب تھا۔

سکیورٹی فورسز کی جانب سے تیراہ وادی اور ملحقہ علاقوں میں دہشتگرد گروہوں کے خلاف انٹیلی جنس بنیادوں پر کارروائیاں جاری ہیں۔ سکیورٹی ذرائع کے مطابق دشوار گزار اور پہاڑی علاقوں کو دہشتگرد عناصر کی جانب سے نقل و حرکت اور چھپنے کے لیے استعمال کیے جانے کے باعث ان علاقوں میں کارروائیوں پر خصوصی توجہ دی جا رہی ہے۔

ذرائع کے مطابق ہلاک دہشتگرد بلال عرف لالوالی کی دہشتگردی کی سرگرمیوں میں مزید تفصیلات اور کارروائی کے دیگر پہلو فوری طور پر سامنے نہیں آسکے۔