خیبر پختونخوا: بنوں میں عسکریت پسندوں کا کمبائنڈ ملٹری ہسپتال پر راکٹ حملہ

واشنگٹن (ش ح ط) پاکستان کے شورش زدہ صوبے خیبر پختونخوا کے ضلع بنوں میں عسکریت پسندوں نے کمبائنڈ ملٹری ہسپتال (سی ایم ایچ) پر راکٹ حملہ کیا، جس کے نتیجے میں خوش قسمتی سے کوئی جانی نقصان نہیں ہوا۔

پولیس کے مطابق یہ حملہ سی ایم ایچ کے قریب کنوائے گراؤنڈ میں واقع خالی کمپاؤنڈ پر کیا گیا، جہاں راکٹ گرنے سے شدید دھماکہ ہوا۔ واقعے کے بعد علاقے میں خوف و ہراس پھیل گیا۔

پولیس اور سکیورٹی فورسز نے فوری طور پر جائے وقوعہ کا جائزہ لیا اور علاقے کو گھیرے میں لے کر سرچ آپریشن شروع کر دیا ہے۔

حکام کے مطابق حملہ دہشتگردوں کی جانب سے سی ایم ایچ کے عملے اور سیکیورٹی اہلکاروں کو نشانہ بنانے کی کوشش تھی، تاہم خالی کمپاؤنڈ میں گرنے کے سبب کوئی انسانی نقصان نہیں ہوا۔

مزید تحقیقات جاری ہیں۔