سعودی طیاروں کی تعز میں حوثی باغیوں کے ٹھکانوں پر بمباری، ہلاکتوں اور زخمیوں کی اطلاعات

صنعا(ڈیلی اردو) یمن کے شہر تعز کے مختلف علاقوں میں سعودی لڑاکا طیاروں نے حوثی باغیوں کے ٹھکانوں اور اجتماعوں کو فضائی حملوں کا نشانہ بنایا، جس کے نتیجے میں باغی گروپ کے متعدد افراد کے ہلاک اور زخمی ہونے کی اطلاعات ہیں۔

عرب میڈیا کے مطابق اتوار کی صبح ہونے والے حملوں میں تعز کے الحوبان، الحجرية، جبل حبشی اور جبهة الصیاحی کے علاقوں میں حوثی باغیوں کی گاڑیوں اور ٹھکانوں کو نشانہ بنایا گیا۔ ان حملوں میں ہونے والے جانی نقصان کی آزاد ذرائع سے تصدیق سامنے نہیں آئی۔

دوسری جانب تعز کے جنوب مشرقی علاقے صبر الموادم میں یمنی سرکاری فورسز اور حوثی باغیوں کے درمیان جھڑپوں کی اطلاعات ہیں۔ رپورٹ کے مطابق حوثی باغیوں نے شہر کے جنوب مغربی محاذ الصیاحی پر بھی پیش قدمی کی، جبکہ وادی الضباب کے راستے کو بند کرنے کی کوششیں کی جا رہی ہیں۔ یہ راستہ تعز شہر میں داخلے کے لیے اہم گزرگاہ سمجھا جاتا ہے۔

یہ پیش رفت سعودی عرب کے شاہ خالد ایئرپورٹ پر حملے کے بعد سامنے آئی ہے۔ سعودی حکام کے مطابق اس حملے میں 12 افراد ہلاک اور 309 زخمی ہوئے تھے۔ سعودی وزارت دفاع نے واقعے کو بین الاقوامی انسانی قانون کی خلاف ورزی قرار دیتے ہوئے اس کا سخت جواب دینے کا اعلان کیا تھا۔