شمالی وزیرستان: خیسور میں سیکیورٹی فورسز کی فائرنگ سے ایک شخص جاں بحق، لواحقین کا احتجاج

میران شاہ (ڈیلی اردو) صوبہ خیبر پختونخوا کے قبائلی ضلع شمالی وزیرستان کے علاقہ خیسور میں مقامی افراد نے الزام لگایا ہے کہ سیکیورٹی فورسز کی مبینہ فائرنگ سے ایک شخص جاں بحق ہوگیا ہے۔

مقامی لوگوں کے مطابق فائرنگ کے واقعے میں کئی افراد زخمی بھی ہوگئے ہیں جنہیں مقامی ہسپتال منقتل کردیا گیا۔

فائرنگ سے جاں بحق شخص کی شناخت کبیر کے نام سے ہوئی ہے جبکہ مقامی افراد یہ دعویٰ بھی کر رہے ہیں کہ واقعہ میں کئی افراد زخمی ہوگئے ہیں۔

سوشل میڈیا پر مقامی افراد کی جانب سے جلوس کے مختلف تصاویر شیئر کی گئی ہے جس میں کہا گیا ہے کہ واقعے کیخلاف مقتول کے لواحقین و علاقہ مکینوں نے احتجاجاً لاش کے ہمراہ میر علی چوک کے سامنے مظاہرہ کیا ہے۔

https://twitter.com/mjdawar/status/1182284024582213634?s=19

شمالی وریرستان سے ممبر قومی اسمبلی اور پشتون تحفظ تحریک (پی ٹی ایم) کے رہنما محسن داوڑ نے اس واقع کی شدید الفاظ میں مذمت کرتے ہوئے کہا اس واقع کے ایف ائی آر کو سیکیورٹی فورسز کے خلاف درج کرنے کا مطالبہ کیا۔

پی ٹی ایم شمالی وزیرستان نے لاش میرعلی چوک میں رکھ کر سیکورٹی فورسز کی ظلم کے خلاف اختجاجی دھرنا شروع کردیا ہے۔

دوسری جانب پی ٹی ایم نے واقعے کے خلاف احتجاج کا اعلان کرتے ہوئے کہا ہے کہ لواحقین کو انصاف ملنے تک احتجاج کا سلسلہ جاری رہے گا۔