عراق: شامی سرحد پر الحشد الشعبی نے تعینات اہلکاروں کی تعداد میں اضافہ کردیا

بغداد(ڈیلی اردو) عراقی الحشد الشعبي (پاپولر موبلائزیشن فورسز) نے شام سے ملحقہ سرحدی علاقے میں اپنی سیکیورٹی موجودگی مزید بڑھا دی ہے۔ الحشد الشعبي کے مطابق بریگیڈ 19 کے اہلکاروں نے عراقی-شامی سرحد پر اپنے ذمہ دار علاقے میں اضافی سیکیورٹی تعیناتی کی ہے۔

ادارے کے بیان کے مطابق اس اقدام کا مقصد سرحدی پٹی کی نگرانی مضبوط بنانا، اہلکاروں کی تیاری کی سطح برقرار رکھنا اور کسی بھی ممکنہ دراندازی یا سیکیورٹی خلاف ورزی کی روک تھام ہے۔

بیان میں کہا گیا ہے کہ بریگیڈ کے دستے سرحدی علاقے میں چوبیس گھنٹے اپنی ذمہ داریاں انجام دے رہے ہیں تاکہ متعلقہ علاقوں کے تحفظ اور سیکیورٹی کو یقینی بنایا جا سکے۔

دوسری جانب رواں ماہ کے آغاز میں شامی وزارت دفاع کے ایک ذریعے نے سرحد کے قریب جاری فوجی نقل و حرکت کو معمول کی کارروائیوں کا حصہ قرار دیا تھا اور کسی ہنگامی سیکیورٹی صورتحال کی تردید کی تھی۔