لاہور میں امام مسجد کو ذبح کردیا گیا

لاہور (ڈیلی اردو) صوبہ پنجاب کے صوبائی دارالحکومت لاہور کی شالیمار مسجد کے امام کو نامعلوم افراد نے گلا کاٹ کر قتل کردیا۔

پولیس کے مطابق نامعلوم افراد مقتول آصف سے ملنے ملتانی کالونی کی شالمیار مسجد کے کوارٹر میں آئے تھے ان ہی افراد نے آصف کا تیز دھار آلے سے گلا کاٹا اور فرار ہوگئے۔

پولیس کے مطابق جائے وقوعہ سے شواہد اکٹھے کر لئے گئے ہیں، جلد ہی ملزمان کا سراغ مل جائے گا۔

پولیس کا کہنا ہے کہ مقتول ملتانی کالونی کی مسجد میں امامت کراتے تھے، لاش کو پوسٹ مارٹم کے لیے مردہ خانے منتقل کردیا گیا ہے۔

پولیس کے مطابق واقعے کی تحقیقات کی جارہی ہیں لیکن کسی بھی شخص کو گرفتار نہ کیا جا سکا۔

دوسری جانب وزیراعلیٰ پنجاب عثمان بزدار نے بھی قتل کے واقعے کا نوٹس لیتے ہوئے سی سی پی او لاہور سے رپورٹ طلب کرلی۔