مستونگ میں تھانے پر دستی بم سے حملہ، پولیس اہلکار زخمی

مستونگ(ڈیلی اردو) بلوچستان کے شورش زدہ ضلع مستونگ میں نامعلوم افراد نے پولیس تھانے کو دستی بم سے نشانہ بنایا، جس کے نتیجے میں ایک پولیس اہلکار زخمی ہوگیا۔

پولیس کے مطابق نامعلوم حملہ آوروں نے تھانے پر دستی بم پھینکا، جس کے دھماکے سے اہلکار زخمی ہوا۔ زخمی پولیس اہلکار کو فوری طور پر طبی امداد کے لیے اسپتال منتقل کردیا گیا۔

واقعے کے بعد پولیس نے علاقے میں سکیورٹی اقدامات سخت کرتے ہوئے جائے وقوعہ کو محفوظ بنا لیا اور حملے سے متعلق شواہد اکٹھے کرنے کا عمل شروع کردیا۔

پولیس ذرائع کے مطابق دھماکے کی آواز دور تک سنی گئی، جس کے باعث قریبی آبادی میں خوف و ہراس پھیل گیا۔ حملے میں ملوث افراد کی شناخت اور گرفتاری کے لیے تحقیقات جاری ہیں جبکہ واقعے کے محرکات کا بھی جائزہ لیا جارہا ہے۔