معروف اداکارہ کو ریپ کے بعد قتل کر دیا گیا۔ ملزم گرفتار

ماسکو (ڈیلی اردو )روسی پولیس نے خوبرو ماڈل کرینہ شانکینہ کو جنسی زیادتی کے بعد قتل کرنے کے الزام میں ایک 31 شخص کو گرفتار کر لیا ہے جس کی شناخت ظاہر نہیں کی گئی ہے ۔

غیر ملکی خبر رساں ادارے ” دی سن “ کی رپورٹ کے مطابق 20 سالہ ماڈل کی والدہ کی جانب سے پولیس کو شکایت درج کروائی گئی تھی کہ اس کی بیٹی لاپتہ ہے جس پر اہلکاروں نے تحقیقات کا آغاز کیا اور نوجوان ماڈل کی لاش کو پارٹمنٹ کے باتھ سے برآمد کیا جو کہ برہنہ حالت میں تھی ۔

نوجوان لڑکی کی موت پانی میں ڈوبنے کے باعث ہو ئی تھی ،کرینہ، روس کے شہر اورنبرگ میں مقیم تھیں۔پولیس نے اپارٹمنٹ میں موجود فنگر پرنٹس کی بدولت ایک 31 سالہ شخص کو گرفتار کر لیا ہے۔

مذکورہ شخص ایک اور خاتون سے شادی کے بغیر نجی تعلقات استوار کرنے کے لیے ماڈل کا اپارٹمنٹ کرائے پر حاصل کرنا چاہتا تھا، مذکورہ خاتون کی شناخت بھی ظاہر نہیں کی گئی ہے۔

کرینہ نے اپارٹمنٹ کرائے پر دینے کے لیے اشتہار دیا تھا اور ملزم مذکورہ اپارٹمنٹ دیکھنے کے لیے آیا تھا۔کرینہ نے مذکورہ شخص کو اپارٹمنٹ دکھایا اور اس دوران ملزم نے کرینہ پر حملہ کردیا۔

واقعے کے حوالے سے پولیس کا کہنا تھا کہ ملزم نے کرینہ کے ریپ کے بعد اسے قتل کرنے کا ارادہ کیا کیونکہ وہ خوف زدہ تھا کہ ماڈل ریپ سے متعلق پولیس کو شکایت کردے گی۔