ٹانک میں سکول کو بارودی مواد سے اڑا دیا گیا، ایک شخص کی لاش برآمد

ٹانک (ڈیلی اردو) پاکستان کے شورش زدہ صوبے خیبرپختونخوا کے ضلع ٹانک کے علاقے کوٹ گلاں میں نامعلوم مسلح افراد نے گورنمنٹ پرائمری اسکول کو بارودی مواد سے نشانہ بنایا۔

پولیس کے مطابق دھماکے کے نتیجے میں اسکول کی عمارت کو شدید نقصان پہنچا، جبکہ ایک کلاس روم اور باؤنڈری وال بھی متاثر ہوئی۔ تاہم واقعے میں کوئی جانی نقصان نہیں ہوا۔

واقعے کے بعد سیکیورٹی فورسز اور پولیس نے علاقے کو گھیرے میں لے کر سرچ آپریشن شروع کر دیا ہے اور شواہد اکٹھے کیے جا رہے ہیں۔

دوسری جانب ٹانک وانا روڈ پر بولتان آباد کے قریب سے ایک نامعلوم شخص کی گولیوں سے چھلنی لاش برآمد ہوئی۔ پولیس نے لاش کو تحویل میں لے کر اسپتال منتقل کر دیا ہے اور واقعے کی تحقیقات کا آغاز کر دیا ہے۔