پاک فوج کا شاہ کوٹ، نوسیری اور جوڑا سیکٹرز پر بھارتی فوج کی فائرنگ کا منہ توڑ جواب، 9 بھارتی فوجی ہلاک

اسلام آباد (ش ح ط) پاک فوج نے لائن آف کنٹرول (ایل او سی) پر بھارت کی جانب سے جنگ بندی معاہدے کی خلاف ورزی پر موثر جواب دیتے ہوئے 9 بھارتی فوجیوں کو ہلاک، متعدد کو زخمی اور کئی بنکرز کو تباہ کردیا۔

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل آصف غفور نے ایک ٹوئٹ میں بتایا کہ پاک فوج نے لائن آف کنٹرول پر سیکٹر شاہ کوٹ، نوسہری اور جوڑا میں بھارت کی جانب کی گئی جنگ بندی معاہدے کی خلاف ورزی کا موثر جواب دیا۔

Indian unprovoked CFVs in Jura, shahkot & Nousehri Sectors deliberately targeting civilians. Effectively responded. 9 Indian soldiers killed several injured. 2 Indian bunkers destroyed.
During exchange of fire 1 soldier & 3 civilians shaheed, 2 soldiers & 5 civilians injured.

— DG ISPR (@OfficialDGISPR) October 20, 2019

فائرنگ کے تبادلے میں پاک فوج کا ایک سپاہی اور 3 شہری شہید جب کہ 2 سپاہی اور 5 شہری زخمی ہوگئے، پاک فوج کے منہ توڑ جواب پر بھارتی فوج کے 9 سپاہی ہلاک اور دشمن کے 2 بنکرز تباہ کردیئے گئے۔ زخمیوں کو ڈسٹرکٹ ہیڈ کوارٹر اسپتالوں میں منتقل کردیا گیا ہے جہاں انہیں ہر ممکن طبی سہولت مہیا کی جارہی ہے۔

Targeting innocent civilians by Indian Army is an attempt to justify their false claims of targeting alleged camps. Injured civilians evacuated to District hospitals. UNMOGIP as well as domestic & foreign media have open access to AJK, a liberty not available in IOJ&K. pic.twitter.com/mTyxCteYti

— DG ISPR (@OfficialDGISPR) October 20, 2019

ترجمان کے مطابق بھارت کی جانب سے بلا اشتعال فائرنگ کے جواب میں کئی بھارتی چیک پوسٹیں بھی تباہ کی گئی ہیں۔ پاک فوج کے مطابق بھارت کی جانب سے گزشتہ شب سے ہی لائن آف کنٹرول کی خلاف ورزی کرتے ہوئے اشتعال انگیزی کا سلسلہ جاری تھا۔

Indian Army struggling to pick dead bodies and evacuate injured soldiers. Indian Army raising white flag. This they should think before initiating unprovoked CFVs and respect military norms by avoiding to target innocent civilians.

— DG ISPR (@OfficialDGISPR) October 20, 2019

ترجمان پاک فوج نے کہا کہ بھارتی فوج نے جان بوجھ کر شہری آبادی کو نشانہ بنایا، بھارت دہشت گردوں کے مبینہ کیمپوں کو نشانہ بنانے کا جھوٹ چھپانے کے لیے معصوم شہریوں کو نشانہ بنارہا ہے۔ اقوام متحدہ کے فوجی مبصرین برائے بھارت و پاکستان اور مقامی و غیر ملکی میڈیا نمائندگان کو آزاد کشمیر میں مکمل رسائی حاصل ہے جب کہ مقبوضہ کشمیر میں انہیں یہ آزادی حاصل نہیں۔