پشاور سے تحریک طالبان پاکستان کا انتہائی مطلوب دہشت گرد گرفتار، سر کی قیمت 20 لاکھ مقرر تھی

اسلام آباد (ش ح ط) صوبہ خیبر پختونخوا کے صوبائی حکومت پشاور سے کالعدم تنظیم تحریک طالبان پاکستان کے انتہائی مطلوب دہشت گرد ہمدرد والد شریف خان کو گرفتار کر لیا گیا۔ گرفتار دہشت گرد پولیس اہلکاروں کے قتل، بھتہ خوری، اغوا کے وارداتوں میں مطلوب تھا اور حکومت نے اس کے سر کی قیمت 20 لاکھ مقرر کر رکھی تھی۔

سیکورٹی ذرائع کے مطابق کاونٹر ٹیررزم ڈیپارٹمنٹ (سی ٹی ڈی) کی خصوصی ٹیم کو اطلاع ملی کہ تاجروں سے بھتہ کی ڈیمانڈ کرنے والا ملزم نشاط ملز تھانہ خزانہ کے قریب نشاط ملز کے قبرستان میں موجود ہے، پولیس کی خصوصی ٹیم نے چھاپہ مارا تو دہشت گرد نے گرفتاری دینے کے بجائے دستی بم سے حملہ کرنیکی کوشش کی جو خصوصی چھاپہ مار ٹیم نے ناکام بنا کر دہشت گرد کو گرفتار کر لیا۔

دہشت گرد کے قبضے سے ایک عدد ہینڈ گرینڈ اور پستول برآمد کی جبکہ بھتہ کی ڈیمانڈ کرنے والی سم بھی برآمد کر لی۔

سی ٹی ڈی کیمطابق ملزم نے خود کو کالعدم تنظیم تحریک طالبان پاکستان (ٹی ٹی پی) کا سرگرم رکن ظاہر کیا اور کالعدم تنظیم داعش سے وابستگی بھی بتائی۔ گرفتار ملزم پر پولیس اہلکار کا قتل کرنے، بھتہ خوری، اغوا کے وارداتوں میں پولیس کو مطلوب تھا جبکہ اس کے سر کی قیمت صوبائی حکومت نے 20 لاکھ روپے مقرر کی تھی۔

ملزم کو مزید تفتیش کے لئے نامعلوم مقام پر منتقل کردیا گیا، قانون نافذ کرنے والے ادارے اس کارروائی کو بڑی کامیابی قرار دے رہے ہیں۔