ڈیرہ بگٹی: سوئی میں بارودی سرنگ کا دھماکا، 4 سیکورٹی اہلکار زخمی

کوئٹہ (ڈیلی اردو) بلوچستان کے علاقے ضلع ڈیرہ بگٹی کی تحصیل سوئی میں بارودی سرنگ کا دھماکے سے 4 سیکورٹی فورسز اہلکار زخمی ہو گئے۔

لیویز ذرائع کے مطابق ہفتے کو سوئی کے علاقے سوناری مٹ میں سیکورٹی فورسز کی گاڑی سڑک کنارے نصب بارودی سرنگ سے ٹکرا گئی جس کے نتیجے میں 4 اہلکار شدید زخمی ہو گئے جبکہ گاڑی مکمل طور پر تباہ ہو گئی۔

واقعہ کے بعد سیکورٹی فورسز کی بھاری نفری جائے وقوعہ پر پہنچ گئی اور زخمیوں کو ہسپتال منتقل کر دیا گیا۔ ذرائع کا کہنا ہے کہ دو اہلکاروں کی حالت تشویشناک بتائی جاتی ہے۔جبکہ علاقے میں ناکہ بندی کرکے حملہ آوروں کی تلاش شروع کر دی گئی۔

کالعدم تنظیم ‏بلوچ ریپبلکن آرمی نے حملے کی ذمہ داری قبول کرلی ہے۔