کرک سے گولیوں سے چھلنی دو لاشیں برآمد

اسلام آباد (ش ح ط) صوبہ خیبر پختونخوا کے ضلع کرک میں 2 افراد کی لاشیں ملی ہیں۔

پولیس کے مطابق لتمبر سور ڈاگ کے قریب ویران علاقے سے ملنے والی ان لاشوں کے ہاتھ بندھے ہوئے اور آنکھوں پر پٹی بندھی ہوئی تھی۔

پولیس حکام کا کہنا ہے کہ ان کو قریب سے گولیاں مار کر ہلاک کیا گیا ہے۔ دونوں لاشیں پوسٹ مارٹم کے لئے سپتال منتقل کردی گئیں۔ جبکہ علاقے میں سرچ آپریشن بھی شروع کر دیا گیا ہے۔

پولیس کے مطابق دونوں افراد کی شناخت عارف اور نثار علی کے ناموں سے ہوئی۔ مقامی لوگوں کا کہنا ہے کہ ان میں سے ایک مقتول کی والدہ نے بھی اپنے بیٹے کی گمشدگی کی درخواست دائر کی تھی۔

واقعے کی مختلف پہلوؤں سے تفتیش کی جارہی ہے۔