کوئٹہ میں سی ٹی ڈی اور حساس اداروں کی کارروائی، لشکر جھنگوی العالمی کا دہشت گرد گرفتار

کوئٹہ (نمائندہ ڈیلی اردو) صوبہ بلوچستان کے صوبائی دارالحکومت کوئٹہ میں سی ٹی ڈی اور حساس اداروں نے مشترکہ طور پر کارروائی کرتے ہوئے کالعدم تنظیم لشکر جھنگوی العالمی کا دہشت گرد گرفتار کرلیا۔

سی ٹی ڈی ترجمان کے مطابق بلوچستان کے دارالحکومت کوئٹہ سے کالعدم تنظیم کے ٹارگٹ کلر امان اللہ کو گرفتار کرلیا گیا ہے۔

#Exclusive acting on tip-off Counter Terrorism Department #CTD #Balochistan nabbed a target killer (Wanted in various sectarian targeted killing cases) affiliated with a proscribed religious outfit, the government had fixed a reward of Rs: 2 lac for the arrest of accused,

— ???????? (@Info_Balochistn) October 10, 2019

ترجمان کے مطابق کارروائی سی ٹی ڈی اور حساس اداروں کی جانب سے مشترکہ طور پر مشرقی بائی پاس پر کی گئی جس میں کالعدم لشکر جھنگوی العالمی کے خطرناک دہشت گرد امان اللہ کو گرفتار کیا گیا۔

ترجمان نے دعویٰ کیا ہے کہ مذکورہ شخص پولیس اہلکاروں اور فرقہ وارانہ ٹارگٹ کلنگ میں ملوث تھا۔ بلوچستان حکومت نے مذکورہ دہشت گرد کی گرفتاری پر 5 لاکھ روپے انعام کا اعلان کیا تھا۔