کوہاٹ : پولیس چیک پوسٹ پر دہشتگردوں کا رات گئے حملہ، 4 افراد شدید زخمی

کوہاٹ(ڈیلی اردو) خیبرپختونخواہ کے شورش زدہ ضلع کوہاٹ کے علاقے گمبٹ تھانے کی حدود میں شادی پور پولیس چیک پوسٹ پر رات گئے دہشتگردوں نے حملہ کردیا، جس کے نتیجے میں 4 افراد شدید زخمی ہوگئے۔

ابتدائی اطلاعات کے مطابق دہشتگردوں نے رات کی تاریکی میں پولیس چیک پوسٹ کو نشانہ بنایا، جس کے بعد علاقے میں سکیورٹی اہلکاروں کی فوری کارروائی سے صورتحال کو قابو کرنے کی کوشش کی گئی۔ حملے میں زخمی ہونے والے چاروں افراد کو فوری طور پر ڈسٹرکٹ ہیڈکوارٹر اسپتال کوہاٹ منتقل کیا گیا، جہاں انہیں طبی امداد فراہم کی گئی۔

واقعے کے بعد پولیس اور سکیورٹی اداروں نے علاقے میں نگرانی مزید سخت کردی جبکہ حملے کے محرکات اور اس میں ملوث دہشتگردوں کا سراغ لگانے کے لیے کارروائی شروع کردی گئی ہے۔ حکام کی جانب سے واقعے سے متعلق مزید تفصیلات جمع کی جارہی ہیں۔