اسرائیل کا شام کے بندرگاہی شہر الاذقیہ پر فضائی حملہ

دمشق (ڈیلی اردو/ڈی پی اے/ صنعا نیوز) شام کے حکومتی میڈیا کے مطابق اسرائیلی فضائیہ نے اس کے بندرگاہی شہر الاذقیہ کے بعض ٹھکانوں کو میزائلوں سے نشانہ بنایا۔ رواں ماہ یہ دوسرا موقع ہے جب شامی میڈیا نے اسرائیلی فضائی حملوں کی اطلاع دی ہے۔

Firefighters continued to tackle the blaze(s) caused by the reported #Israel|i strike into the morning at Latakia Port, #Syria. pic.twitter.com/6heypbyotH

— Aurora Intel (@AuroraIntel) December 28, 2021

شام کے سرکاری میڈیا کے مطابق منگل کی علی الصبح اس کے بندرگاہی شہر الاذقیہ پر ایک اسرائیلی فضائی حملہ ہوا ہے۔ رواں ماہ میں یہ دوسری بار ہے جب ملک کے سرکاری میڈیا نے اس شہر پر اس طرح کے حملے کی خبر دی ہو۔

سات دسمبر کو بھی شام کے سرکاری میڈیا نے اسی طرح کی اطلاع دی تھی کہ اسرائیل نے اپنے ایک حملے میں ایک گودام کو نشانہ بنایا، جس سے وہاں پر موجود کنٹینرز کو آگ لگ گئی تھی تاہم اس وقت کوئی جانی نقصان نہیں ہوا تھا۔

#Israel is ending 2021 with an attack against #Syria when its Jets launched missiles against the #Latakia port causing serious damage. Israel is violating the international law, repeatedly attacking a sovereign country. The attack against Latakia is the second this month. pic.twitter.com/4C8kGGOa6w

— Elijah J. Magnier ???????? (@ejmalrai) December 28, 2021

اسرائیل عموماً حملوں کے اس طرح کے دعووں پر رد عمل کے بجائے خاموشی اختیار کرتا ہے۔

شام کے سرکاری میڈیا ادارے صنعا نے فوجی حکام کے حوالے سے خبر دیتے ہوئے کہا، “صبح تقریبا تین بج کر اکیس منٹ پر اسرائیل نے بحیرہ روم کی سمت سے کئی میزائل فائر کیے اور الاذقیہ کی بندرگاہ پر موجود کنٹینر یارڈ کو نشانہ بنایا گيا۔”

ان حملوں سے نقصان کیا ہوا؟

صنعا کے مطابق اس حملے میں شام کا ایک فوجی ہلاک ہو گیا اور اس کے علاوہ کچھ مالی نقصان بھی ہوا ہے۔ صنعا کے مطابق حملے کے سبب بندرگاہ کے کنٹینر اسٹوریج ایریا میں آگ لگ گئی۔ شام کے ایک اور سرکاری ٹی وی چینل الاخباریہ نے حملے میں ایک ہسپتال، کچھ رہائشی عمارتوں اور دکانوں کو نقصان پہنچنے کی بھی اطلاع دی ہے۔

ایک شامی اہلکار نے صنعا کو بتایا کہ حملے کے سبب لگنے والی آگ کو بجھانے میں عملے کو تقریباً ایک گھنٹے کا وقت لگا۔ شام سے متعلق برطانیہ میں مقیم ایک ادارے ‘سیریئن آبزرویٹری فار ہیومن رائٹس’ نے حملوں کی تصدیق کرتے ہوئے کہا کہ رواں برس کے آغاز سے اب تک شام پر یہ 28واں حملہ ہے،”اس حملے میں شام کے فضائی دفاعی نظام کو نشانہ بنایا گيا۔‘‘

اس سے قبل شامی میڈیا ادارے صنعا نے ایک فوجی ذرائع کے حوالے سے خبر دی تھی، “اسرائیل نے گولان کی جانب متعدد فضائی حملوں سے کئی ٹھکانوں کو نشانہ بنانے کی کوشش کی۔‘‘ اس کے مطابق ان حملوں میں بھی ایک شامی فوجی ہلاک ہو گیا تھا۔