اسلام آباد: ایف آئی اے نے محسن داوڑ اور علی وزیر کو بیرون ملک جانے سے روک دیا

اسلام آباد (نمائندہ ڈیلی اردو) ایف آئی اے نے پشتون تحفظ موومنٹ کے مرکزی رہنماؤں اور رکن قومی اسمبلی علی وزیر اور محسن داوڑ کو اسلام آباد ایئر پورٹ سے بیرون ملک جانے سے روک دیا، ان کا نام واچ لسٹ میں شامل تھا۔

اسلام آباد کے انٹرنیشنل ایئرپورٹ ذرائع کے مطابق ایف آئی اے نے پشتون تحفظ موومنٹ کے مرکزی رہنماؤں اور رکن قومی اسمبلی علی وزیر اور محسن داوڑ کو اسلام آباد ایئرپورٹ پر کابل جانے سے روکا ہے۔

ذرائع کے مطابق علی وزیر اور محسن داوڑ افغان صدر ڈاکٹر اشرف غنی کی صدارتی تقریب میں شرکت کیلئے افغانستان کے دارالحکومت کابل جارہے تھے۔

ایئرپورٹ ذرائع کا کہنا ہے کہ دونوں ایم این ایز علی وزیر اور ایم این اے محسن داوڑ کا نام واچ لسٹ میں شامل تھا اور انہیں ریاست مخالف سرگرمیوں میں ملوث ہونےکے الزام پر روکا گیا ہے۔

ایف آئی اے نے ایم این اے علی وزیر اور ایم این اے محسن داوڑ کا بیان ریکارڈ کرکے انہیں گھر واپس جانے کی اجازت دے دی۔

We are going back as we were not allowed to fly to Kabul. FIA told us quite explicitly that the military has barred us from leaving the country. This is what elected Pashtun MNAs have to go through in Pakistan. This is the fate of an elected Pashtun representative in Pakistan 1/2

— Mohsin Dawar (@mjdawar) March 8, 2020

Sending best wishes to Afghanistan President @ashrafghani on his re-election & thanks to all the Afghans who invited us and those who were waiting to welcome. Also thanks to the Afghan Ambassador in Pakistan @MashalAtif for his efforts to resolve this issue. 2/2#LarAwBarYoAfghan

— Mohsin Dawar (@mjdawar) March 8, 2020

محسن داوڑ نے سماجی رابطے کی ویب سائٹ ٹوئٹر پر دعویٰ کیا ہے کہ انھیں فوج کے ایما پر باہر جانے سے روکا گیا ہے۔

’ہم (ایئرپورٹ سے) واپس جا رہے ہیں کیونکہ ہمیں کابل جانے کی اجازت نہیں دی گئی۔ ایف آئی اے نے ہمیں واضح طور پر بتایا کہ فوج نے ہمیں ملک چھوڑنے سے روک دیا ہے۔ پاکستان میں منتخب پشتون ایم این ایز کو ایس صورتحال سے گزرنا پڑتا ہے۔ پاکستان میں منتخب پشتون عوامی نمائندوں کی قسمت یہی ہے۔

محسن داوڑ کے مطابق انھیں بہت عرصہ قبل متعلقہ حکام کی طرف سے یہ اطلاع دی گئی تھی کہ ان کا نام ای سی ایل پر ہے۔ ان کے مطابق بنوں جلسے کے بعد یہ مقدمہ قائم ہوا تھا جو بعد میں ختم بھی ہو گیا تھا لیکن نام ابھی تک ای سی ایل سے نہیں ہٹایا گیا۔

محسن داوڑ اسلام ائیرپورٹ سے اپنے پیغام میں کہہ رہے ہے
کہ بطور علام قوم کسی ملک میں زندگی گزارنا ہوں تو اس قسم کے سلوک ہوتے رہینگے
علی وزیر کا کہنا ہے کہ اس ملک ہمارے ساتھ دوسرے درجے کی شہری کی سلوک ہورہی ہے pic.twitter.com/HZvXMNvFWZ

— Rahim Dawar (@RahimDwr) March 8, 2020

ائیرپورٹ سے محسن داوڑ نے اپنے ساتھی ایم این اے علی وزیر کے ساتھ کھڑے ہو کر پشتو زبان میں ایک ویڈیو پیغام بھی ریکارڈ کرایا تھا۔ اس ویڈیو میں وہ یہ شکوہ کرتے نظر آتے ہیں کہ ان کے ساتھ دوسرے درجے کے شہری کے طور پر سلوک کیا جا رہا ہے۔