افغانستان: تخار میں طالبان کا ڈویژنل کمانڈر گرفتار

کابل (ڈیلی اردو/شِنہوا) افغانستان میں جاری جھڑپوں کے دوران ملک کے شمالی صوبہ تخار سے طالبان کے ایک کلیدی ڈویژنل کمانڈر کو گرفتار کر لیا گیا ہے۔

مقامی حکومت کے ایک ترجمان حامد مباریز نے پیر کے روز شِنہوا کو بتایا کہ تخار کے ضلع ینگی قلعہ میں قومی ڈائریکٹوریٹ آف سیکورٹی (این ڈی ایس) کے اہلکاروں کی ایک کارروائی میں روح اللہ روحانی اور اسکے ایک محافظ کو گرفتار کر لیا گیا ہے۔

حالیہ دنوں میں یہ صوبہ شدید جھڑپوں کا مرکز بنا ہوا ہے۔

عسکریت پسند گروہ طالبان نے ابھی تک اس خبر پر کوئی ردعمل ظاہر نہیں کیا ہے۔

یہ رپورٹ ایسے وقت سامنے آئی ہے جب حالیہ ہفتوں کے دوران طالبان عسکریت پسندوں نے سیکورٹی فورسز پر حملے کرتے ہوئے افغانستان کے متعدد مضافاتی اضلاع پر قبضہ کر لیا ہے۔

مقامی حکام نے تصدیق کی ہے کہ پیر کے اوائل میں افغان نیشنل سیکورٹی فورسز نے ہمسائیہ صوبہ قندوز میں جوابی حملہ کرتے ہوئے عسکریت پسندوں کو ضلع خان آباد سے بے دخل کر دیا ہے جس پر ہفتے کے اختتام پر طالبان عسکریت پسندوں نے قبضہ کر لیا تھا۔