امریکی صدر ٹرمپ نے اپنے خلاف مواخذے کی تحقیقات کو غیر قانونی قرار دیدیا

واشنگٹن (ڈیلی اردو) امریکی صدر نے اپنے خلاف ہونے والے مواخذے کو غیر قانونی قرار دے دیا۔

تفصیلات کے مطابق امریکی صدر ڈونلڈ ٹرمپ نے اپنے خلاف مواخذے کی تحقیقات کو غیر قانونی قرار دے دیا ہےڈونلڈ ٹرمپ کا کہنا ہے کہ کانگریس کے ووٹ کے بغیر وہ ڈیموکریٹس کی کسی بھی تحقیقات کو تسلیم نہیں کریں گے۔

وائٹ ہاؤس میں میڈیا نمائندگان سے گفتگو کرتے ہوئے امریکی صدر کا کہنا تھاکہ ان کیخلاف مواخذے کی تحقیقات حزب اختلاف کی جماعت ڈیموکریٹس کررہے ہیں۔وہ ایوان نمائندگان سے یہ تحقیقات منظور بھی کراسکتے ہیں کیونکہ ایوان میں ان کی اکثریت ہےلیکن وہ سینیٹ کے سوا کسی بھی انکوائری کو تسلیم نہیں کریں گے۔ سینیٹ میں حکمران جماعت ری پبلکن کی اکثریت ہے اور ڈیموکریٹس کے ووٹ کم ہیں۔